که یمنه ی بشناسه

جه هه ورامانی سه رسه وزی لهون

ده گایه گه وری وه ش شیوه ونمون

پالش دان وه کوی ته ته ی سه رفه راز

حه ره س مه رزه کیش شراموبیرواز

لای واریش یاو وها نه گه رمله

چند جوری میوه ش چه نه حاسله

دوا نزه برئ ما قولو گه و ره

به لا گیر ئ نئ هه رچوار ده وره

هه رجه هه سونه تاته ختی سانی

ئالف جارشا با تویچ بزانی

ها منه هه واریش یوشا په شت که مه ر

ته وه نه وکه شکا هه واری وه شته ر

کولسه وده ربه ن تا ها نه سا وه

به ئا ویش که پره وهه واری نا وه

ها نه چیا له وگوله وا رینی

وینه یشا هو شو دلی به رینی

هه وارو گولیو ها نه وقا لاوی

سیرا نشا ده وان په ی ئیشو یاوی

دو ه ته وه نه وهه یا تی سه رین

هه یا تی وا رین به هه شتی به رین

جه ها نه وخوله ی تاها نه وپه چه ی

میعادگاو خیلو کور و کنا چه ی

قو لو ژه ره ژی تا سه ر چادر گا

گیلا یشا وه شا ده مه و ویره گا

جه مای سیا وه هه تاکه له لا ن

به سور هه را له وچنوررازیا ن

دوله ومروری تا وه روه و شوتا

ئا نا جه دا خه ودوریشا سوتا

هه واری ره نگین وه ش ئا ووهه وا

هه زارئا زاری ئاد که رووده وا

چون تاجی شاهان سه وز و زه ردوسور

نیشته ن وه فه رقی ده شتی شاره زور

نامیش نویجه رقه دیم هه وارا

یا گه پاو یاراش چه نه دیا را

سه رگولیی جه ناو بیره گای قه دیم

وه نه ش دیا را ئی  دیموئه ودیم

گه مه وخه سره وی په روه روه و ئاوی

تو چه نه ش وه ره هه تاکه تاوی

چه نی قا فله ودما گه له که را

پا کیو دل سا فئ که لام شه که را

ته ی که ره هه ردان ساراوچه مودول

وینه هه واری ئاوه دان و چول

په ی سه یا یو له ش  جه دلئ رانه

کو لی مداوه جه نشینگا نه

کوتوپر یوشا به سوزی ده رون

به سدا یه وه ش گه ردون ئای گ ردون

خه موپه ژاره وده رونیت به روو

ده رما نودلی نه وه شیت که روو

قا فله میوه ده مه وویره گا

په ره بو قا له کو لا نه وده گا

سورخا لو چه مه تا بومه له رزه

میوه ده یمینه ئا بوموئه رز ه

جه سارو مه رئ تا وه را وه ره

با خه هه نگو را ئا ده وروبه ره

که مه رچا له که هه تاشیخه له

یاگه له وه ری گا ووئاژه له

سا رای مارانی په چه گه له شا

لای سه ری په چه ی جاره خه له شا

جه سارومه ری تاپیروحاجی

ئاسته نم جیا به نا علا جی

هه رجه ما گیجاتاده ره وقولی

ما قول ته راپه یم جه ته لاوپولی

ده ره وگه رسنی هه تاکه شرام

یا د گا راپه یم ته وه نو ترام

هه رجه هه رزه لگاهه تاکه پالین

په ی دیداریشا دل که رونالین

جه گلوه و یه وا هه تا دو ده رئ

وه زه قالا ویو ته لانه ده رئ

جه باخو مه لای تا وی ژه ن که را

گه له په چه دئ به ینو دوی ده را

ته ختیو سه رکه مه ر هه تا ماوه زا

دنیا م دا جییا ش من مه بوره زا

جه وه راوه ره هه تامیروتما ن

هوشم مه شاوه تا ئا خر زه ما ن

جه بلچه سوره هه تا سراجگا

هه رفره وه ش بئ ده مه وویره گا

چه مه ش خروشان چون سه رچه مه ی بل

ویل که ری هه نگی تاسه ودیده ودل

جووه وئاوه کیش په ره بی ئاوی

تاخاس هورخولنوگیجوئا سا وی

ئا ساوی ئاوی هه رما نه که رئ

خه لک ماچو چوار من ما چویه رئ

ئه وه لین ئا ساو ئا ساو خا لئ

لا لو حه مه لاو وه ره که یش مالئ

دووه مین ئاساو شیخی که ره م دار

چه نه ش وه رینئ فه قیروهه ژار

سیوه مین ئا ساوئا ساوی ده رویش

روئ هه زاران ده ورئ دینه ویش

که یمنه ساحیبو کاریو حرفا بئ

ئارو واته نی ویش خودکه فا بی

چندکولانینه ده نگوهه لاجی

خه ریکی بینئ ده رویشوحاجی

مه هادیو نمه د فه ره نجیو که ره ک

زره وکه مانی گه ره کا و گه ره ک

جارجارئ ده نگی وه شوپاچالئ

خه موخه فه تودلیت هورما لئ

ئوسای کوت ده ریچ خه ریکوکاری

تاچوخه ورانک وه ش دوودیاری

کولانیوه ته  رده نگو ته نه کا

هه ر ساحبی سه حه رهه تاویره گا

جارئ که نوله جاریوه یچ سوبه

زمسانش سه خت بئ توبه بو توبه

جاریوه مه سیو جاریوه مه قاش

تا سکه ل لادوهیزمی وزولاش

یاگئ رادیوساز یاگئ ته ر خه یات

خوا هونه رش  دیبینئ  خه لات

چند ئوسئ دوکان نجاریشابئ

سه لیقه ی نه قشونگاریشابئ

مه لاو ده گیشا جه ویشابییه ن

مه لای غه ریب شاهه رگیزنه بیه ن

جه زمسانه نه دوی چایه خانئ

دنئ رانه بئ  په رجه جوانئ

مزگیوهیوانه ش په ره بی پیری

پیری ریش چه رمئ عاقلئ ژیری

حاجی ماموسا ماموسا شابئ

رهنمای دینی هه م یاساشابئ

ئه ردوی تایفئ بیه شا عه داوه ت

حاجی ماموسا که ریشا ده عوه ت

دماوسه عاته ی که ریشارازی

دورجه مه حکه مه وپیلوسو قازی

ره سم پاسه بئ ئه گه ریومه رده ی

کوچی  ئاخرش جه دنیی که رده ی

خه لکوده گی گردهورزی خیزیی

یانه ومه نزلش وه نه بیزیی

ژه نی به ره ما ی په ی یانه و مه رده ی

په ی گره وایو  شینوروکه رده ی

جوانئ نه مینی بیلوزه نگه نا

هه تا لا وه نا قه بره هور که نا

مزگینه پیرئ گلیرئ بینئ

جوابو قساو یو ترینی دینئ

خواعه فوه ش که روپیایه ی خاس بئ

لاشه روفه قیربئ ده نگوباس بئ

سه روزیاره ت یو، یو ئارئ خه به ر

واچئ جه نا زه ی بزندیره به ر

به قه دروحورمه ت ئه سپه رده کریئ

به ته لقین فیروگفتگوی کریئ

مه رده ده گانه ئانده ئاز یز بئ

هه تاچندحه فتی خه لک په یش عاجز بئ

په ی زه ماوندی ره سم پاسه بئ

ئه گه رده گانه کناچه ی خاسه بئ

ژه نه ی کیا نینی پیسه رامالی

ئه د ه یشو تاته یش باکه روحالی

دماته رپیروتایفه ی ئارینئ

ته کبیرو هی جبیش چه نی که رینئ

چند که لی قه ند و برئ سه وقاتی

گیری نی ده سه وپیسه وخه لاتی

دما و ماوه یوه پیری په رقیمه ت

ده س که ری قسئ به قه دروحورمه ت

واچئ  براگیان کاکه عه ودلا

ئامانا هیجبی به ئیزنی ئه لا

مه دیه ئه حمه دیوفه ره نجی شریش

کناچیش ده په نه به روپه ی کوریش

خو دوله مه ندا روله وئوجاخا

ساحیبویاناو چند په لئ با خا

کوره که ش عالو فه قیرو ژیرا

ده سش چند یاگئ به کاری گیرا

کاکه عه ودلا واته بیش ئه رئ

لالو ئه حمه د زو ده سش ماچ که رئ

ساحبیئ ورزینئ ده سه ی لیباسئ

گران قیمه تئ وه ش ره نگئ خاسئ

دینیشاخه یات ورازوشا وه ش

تا دلو وه یویش په نه که راگه ش

پئ ره ی  جله کا ونوقلئ به رینئ

وه یوه وه شلانو د یاریه که رینئ

بلو په ی ها نه ی باویش برمانو

باخه لکوده گی گردش بزا نو

باژه نئ واچا دیاریه کریه نه

تازه به کورو مینه ی دریه نه

هه سوره و زه ما که بیینئ که سئ

ده س په نه که رئ مه ینه تو ره سئ

دماوماویوه شیرینی وریئ

قه ومئ هه رویشاخاس پته وکریئ

دماو چند مانگا ماره ش که رینئ

کلاو وپرچکه ش په ی وه ش که رینئ

فه سلو پاییزی په ی زه ماونئ

حازرئ بینئ ئامادیو تنئ

حه وتروی ته مام ده گا شاده بئ

وه ی وه ی بالابه رز باده باده بئ

سرناودهولووگورانی چرای

یاران یارانو به سوز هورپرای

مه وجئ ره نگینئ سه رو هه سه را

دلئ ده گینه ره ما غار که را

به تور به توروبه باده با ده

واچینئ شادی مه باره ک باده

یاده ش به خه یربو ره سمی جه ژنانه

ئه گه ر ره مه زان ئه گه ر قوربانه

عه ره فه حه یوان سه ره برینئ

یانه ولاگوشتش چه نه به رینئ

ژه نی ده س که رئ به هه رمان که رده ی

قاوله مه شورته ی برنج پاک که رده ی

کاریش فرینی مه یاووپوره

گردوهه رماناش که وتینی یوره

سه ره وزاروله یش بشیوم شوریابو

لیباسی تازه ش پووره کریابو

ساحبئ زووبشیوم چاشتی گریه بو

خوانه ومزگی حازره کریه بو

کاسه هامسایی بشیوم کریابوو

په ی هه رهامسایی کاسه ی بریابو

خوانه و مزگی بنیونه سینی

به کاسه ی مسسین نه وه کوچینی

بائاغه ش وه رو چه نی هاومالا

بادلشا بریوو چه نی خیا لا

وه ختیوه نماوجه ژنیشا که رده ی

گه رده نشا جه ده ین یووی ئازادکه رده ی

گردیشاپیوه نانه وه رینئ

ژه نگاره ودلی پاکه که رینئ

ئه ترنه مه نی غه ره زو قینئ

به دل یوترینی ئازاد که رینئ

 

 

 

 

بیشکی زارولا کو تو به ندو زه نجیرنه بیه نه

به لکه په ی زا رولا وهورا مانی ئه سپی را زیاوه

به زنگلیو وه رچا ویله و گو له نگ یا ته ختو قه ره ویله و

پا دشا هی بینه.من چه نی ئا نیشا نیه نا که بیشکی ئه وسا و

زا رولابه زیندان مزا نا . ئینا نی چه نی ئا ئا وه زاکه گردو

هه مو خه می شا وه شیو پا کو پوخته ی زا روله کا شا بیه ن

مزا ندی ئه گه ربیشکی نه بیه ی ئه دای زا روله وه ره

بشیا ته نیا زا روله که ش گیر تیش با وشیشه وهیچ هه رمانیش

په نه نه کری.مزا ندی ئه گه ربیشکی نه بیه ی گردو ئا وه و

فره وهه واره کا به شوشورته یره ی زا روله کا وهه واری

نه که ری.مزا ندی ئه گه ربیشکی نه بیه ی زا روله وهورامانی

تو شو سه دان گیر وارده ی بی مه سه له ن: ئه گه رئه ده یش

باو شیشه نه وسنه ی ونیه شه ره ولووی دما گه له ئایا مروچیوه

نه لی گو ششه ره یا ما ری وه یا ما ره کو لیوه نه گه زیش

یا کوتو پرینه ئه گه رجه وه رمی چلا کیه ره به گا گولی

نه جمیره وجه هه له تیوه نه نه گنیره ودورجه گیا نیش نه مری ؟

با ئا نه یه با رمیوه وه روچه ما ما که یاگی ژیوای

ئه وسای پیسه وئیسا سافو سوله و بیخه ته ره نه بینه

ئه دا وئه وسای پیسه ئه دا وئیسای که م هه رما نه نه بینه

هیو انه و یا نه کا وئه وسا ی پیسه وئیسه ی پا نیو در یژی 

نه بینی  تا زارو له به میلو ویش تلیو به گا گو لیخولیووه .

 

 

ئا یا مزاندی؟

مز اند ی هو را ما نو ئا روینه ئه  د ا عه یبش می وه  نه زا روله به سو کو لیشه ره

با بزا نا ئیی  کاره زلمیوه گه و ره ن به زا روله کا وه په ی هه میشه ی دلشانه مه نووه

چو ن زارو کو لی ئه ده وه ئیحسا سو وه شی که رو وه چو ن یا گیش به رزه نه

تا وو ته ما شه و ئیلا و ئه ولایی که رونه و دیمه نیوه وه شته رو فر ه ته ر وینو  وه چون کو لی

ئه د یشه و یا گیش گه رمه و نه رمه نه وه رمیوه وه ش به روش لا ره وبیخه م مو سو و

زا رو له کو لی ئه ده یشه و وه ختیوه وا وگژه میی سه  ره منیوو ما زی ئه ده یوه و

تا خاکو خول نه لو د لی چه ما ش  وه  جه .وه ختوسه ردا وسو له ینه ده سه کاش

منیو به ینو ویشو ما زی  ئه ده یش وه پی جو ره ئا زا ده سیش گه رم شا بو وه  

  به لام ئه دای که م ره حمه وئا روی زا روله که یش منیو دلی چه رخیوه سه ردوسری

دلی چالو چو لو با زاره کاره پاسه ش خو لنو وه سه عا تینه سه د جا رگنو چا لیو

ئه گه روته بویچ سه عاتی سه د جار ی چلا کیورو ئا روه هه تا ویره گا عاجزی

وه رمی که روو وه ئه گه ر وه رمه نه ده سش گنووه چه رخه که  یش ئنده چییان

وه ر مه نه چلا کیو ره  په و چی زارو له و ئا رویچ د ما رونه ئا نده ره حمش نیا به

ئه ده یشو ئا دیچ عیبش می وه نه ئه دا پیره کیش ئا وه خته  که مه تا وو پله کانیره ور وه

زو ،وه ره چه ما وخه لکیو ه گیر وش کو لی هور ش وه زنو ئینه خه تا زاروله که ی نیه نه بلکوم جوا بو که م ره حمی ئه ده یشا که به ئیرس په یش ئا ما نو عا تفه ئانده

که م بو وه به گیا نو ئه ده یشو  به قه بره وئه ده یش قه سه م مه وه روو وه هه ر

وه ختیوه ئه داش جه پی که وته، جیا ی ئا نه یه گییرو ش کولی تا نه گلیروو یا گیو ه ش بیشو ملو ویلچریوه شر ما روو ئه دا گیا نو ئه وسا یش تا سراوسا لمه ندا سو اره که روو

که ئینه به حه ق دلی فه رهه نگی نه جیبو هو را ما نینه راش مه بو وه

په وچی تکاتاوه نه که رو ئه گه ریا گی چوله تا گیر ئاما جار جار زا روله کا تا گیر دی کو لیوه

تا هه م زاروله که تا فر ته ربه  وی تا وه نزیک ته ربو وه، وه هه م نا سته بو تا یو جه

ره سمو یا سا و جورو ژ یوای کو نه یتافو تیو .

هه ر هه ر ما نی ئه وه ل جا رکه مو کو رتیش هه ن که مو کو رتیم به گه وره یی و

نه جیبیتا به خش دی  چون جه هیچ مه کته بیوه نه ده رسی هورا میم نه وانا ن...

  برا ی وردیتا                    سبحان خالدی

 

 

هه یات یو جه هه وا ره وه شه کا و ده گا و کیمنه ییا

گیر ه نا می ئی هه وا ریه جه وه شیی شو گیری بو

پیسه و یاگی ژ یو ا ی یا حه یا ت په ی وه شی چون

ئی یا گی بو نه و وه شیشو جه ها منه کانه خلکی فره ش

چه نه ژ یوا ن په ی نمو نه ی یه ری گه ره کی که پریش

چه نه بینی به نا مه کا و گه ره که و گه چینه یا وگه ره  که

ها نه و خو له ی یو گه ره که و ته لا نه و خور شید ی

هه یات ها نا وی فر یش چه نه بینی که جه ئه وه لو وه هاریوه تا ئا خر وها منی گه له وهه وار یشا بی که مو کورت ئا وی دان په ی نمو نه ی ها نه و سه رو گولا چو ن به تفیو وه زیومیکو لیی کریا بی سیبه ره سه ره را و ئا نه یه بنه وداره کاش سرا سه ر ک ر یا بی گو لبه ن په ی ئا و وارده یومه رومالاتی په شته و گو لبه نیچ به ته وه نی ته ختیو سا فی کر یا بی به توختان په ی ئیسراحه تو خه لکو هه واری جه نیمه روه کاوها منینه ئا وه خته که که پره کی هه واوری وه  رووه ره قا قه یو سوری بینیوه هه وار نشین مه جبورنه بی  د لی که پر انه نیشو ره و تا گه رمش بو وه و ها ره ق که روگردو خه لکو هه وا ری لوینی په ی سه روگو لا و

سه روئا توختانه فینکه یو نیشینیره و فره جا رنانو وچایچ

چا گه وه رینی شوانه وهه واریچ گه له که یش نیمه روو

ئا ریوه گو شیوه چا سیبه رینه په چه دی ده نگو گه له یو

چریه ی دما گه له که را وه شی سه رو گو لا وه شته ر

وه ش که ری  .. ها نه وته وه نه سیاوی که ئا دیچ ئینا

سه ره را و گه له یو وه ختیوه گه له میی په ی په چه و

گولا یاوو پا ها نه یه  و ئه وه ل جار چا گه نه ئا و ی

وه رووه  .. سیهه م ها نه و هه واری یا ها نه و وه زا

ئا ویش چون گه رمه بی ته نیا ده رده و هه لیز ژه نای

وه ری  ژ ه نی هه وا ری با ورشا پا سه بی که ئا وه و

ئا ها نه یه ئه گه ر کریو دلی هه لیز ی خه یر و به ره

که تش پو نو که ری فریش گنو نه ..چواره م ها نه و

په چه ی که هه ر پیسه و نا مه کیش ئینادلی په چینه

که خه لکو گه ره که ومه تی خه و شی چه نه ش وه رینی

ما با قیچش با خش په نه دا رینی .. په نجه م ها نه وخو له ی

ئا وه و ئا ها نه یه ئنده وه شه و چیی بی که گردو خه لکو

هه واری ئا وه و وا ردیشا چا گه ئا رینی ... ششم ها نه و

گو ره کا که ئا دیچ ئا ویوه فریو گول به نده وه ش بی

که گا و و گو ره که  چا گه نه ئاوی وه رینی وه ئا وه  کیش

هه رفره وه شه بی ....حوته م ها نه و هو را میا که سه  ره

راو خلکو هوراما نو ته ختیوه بی  وه ختیوه خه لکو هو رامانی جه هورا مانه و لوینی په ی ئیرا قی سه ره ره وچیو ری سه روو ئا ها نه یو مه نینیوه و پشو دینیو نا نو جا ی

وه رینیو گنینی دریژه وریی.... هه شته م ها نه وقا لا وی

که ئا د یچ وه شی تا یبه تو ویش هه نه ش ئینا سه رو

ته پیوه به رزیوه که مدیو ملو گر دو هه وارو هه یاتیره

 وه روو ئا هانینه ما مو با وانی ئا زیز که پره به سیو دورجه گه رما و ها منی چون وه رده موگو گا کیش گردش که رده بی به باخ دلی سیبه ره و با خه کینه وچیرو شنه و

که پره کینه ها منی  به وه شی دی سه ر به لا م به دا خه وه جه نگی ویر ان که رووئیرا قو ئیرانی هه یا تش پا سه ویران که رده ن که هیچ ها منی نه که پری سوزه نه سه ری حیو ان نه شیو ه وشوا نیوه نه دما گه له که ری با دی به ده سه ش جه نه مه پیوئا نا  من پا یزه ی لوا نا سه  

 

ریم دا ن وه نه چه نه م په رسان

  سه ریم دا هه یا ت مد یه و مه لولا

    گا، نه عره ته ی و ا گا، گیجه لو لا

میکو لو، ها نه یش خه زا نش زه ردا

 ها نه ش بی پلو ر پووینه ش گه ر د ا

 واتم ئه ی هه یا ت هه وا ری ره نگین

  ئا نه په ی چیشی ما ته نیو غه م گین

    عا له م مزا نو وه شته ر  هه واری

ئیسه سه به ب چیش ما تو خه مبا ری